Joaquín Cárdenes
 | Este artigo contén varias ligazóns externas e/ou bibliografía ao fin da páxina, mais poucas ou ningunha referencia no corpo do texto. Por favor, mellora o artigo introducindo notas ao pé, citando as fontes. Podes ver exemplos de como se fai nestes artigos. |
| Biografía | |||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 1902  Santa Cruz de Tenerife, España | ||||||||||||||||||||||||||||||||||||||
| Morte | 7 de maio de 1960 (57/58 anos) | ||||||||||||||||||||||||||||||||||||||
| Actividade | |||||||||||||||||||||||||||||||||||||||
| Ocupación | futbolista | ||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||
| |||||||||||||||||||||||||||||||||||||||
Joaquín Cárdenes Dumpiérrez, nado en Santa Cruz de Tenerife en 1902 e finado o 7 de maio de 1960, foi un futbolista e adestrador que xogaba na demarcación de centrocampista.
Traxectoria
[editar | editar a fonte]Formou parte dunha das primeiras grandes aliñacións do CD Tenerife entre os anos 1922 e 1926 xunto a xogadores como Baudet ou Arocha, sendo recoñecido como o mellor centrocampista que dera o fútbol canario ata o momento. Nos contados encontros nos que os equipos canarios se enfrontaban a equipos peninsulares o Tenerife conseguiu varios triunfos memorábeis como a vitoria ante o Campión galego, o Real Vigo Sporting Club en 1923, ou ao Sevilla FC en 1925.
En novembro de 1926 Jaquín Cárdenes ficha polo Celta de Vigo, sendo o primeiro tinerfeño en xogar nun club peninsular. Militou no Celta tres tempadas.
A comezos de 1928 o Celta enfrontouse en Vigo á Real Sociedad, estando o seleccionador español, José Antonio Berraondo, na bancada. Nese encontro Cárdenes fixo moi bo partido o que lle valeu unha convocatoria coa Selección de fútbol de España ante Italia, aínda que non chegou a debutar converteuse no primeiro canario en ser convocado pola selección de España.
Co Celta proclamouse Campión galego na tempada 1929-30 e disputou a primeira liga oficial esa mesma tempada, en Segunda División sendo o xogador que máis partidos disputou e anotando dous goles.
Regresou ao CD Tenerife en 1931, na que volveu a render a moi bo nivel, protagonizando entre outros logos unha xira pola península no que o equipo logrou vencer ao Atlético de Madrid e ao FC Barcelona.
Tras retirarse do fútbol en activo Cárdenes converteuse en adestrador, comezou por clubs históricos de Santa Cruz como o Price ou o Hespérides, de onde pasou a adestrar ao CD Tenerife durante varias tempadas. Na tempada 1940-41 ficha polo Celta, xa en Primeira División para substituír a Ricardo Comesaña, o adestrador que conseguira o ascenso.
En Vigo dirixiu a un Celta recordado polos xogadores canarios do seu equipo: Roig, Mundo, Del Pino, Fuentes ou Victoriero. Ao final da tempada o equipo mantivo a categoría, rematando en 10º lugar pero Cárdenes decidiu deixar o Celta, e foi substituído por Baltasar Albéniz.
Véxase tamén
[editar | editar a fonte]Ligazóns externas
[editar | editar a fonte]- Marcos L. Bacariza (7 de decembro de 2009). "Joaquín Cárdenes". Yo jugué en el Celta (en castelán).|
- "Joaquín Cárdenes". BDfútbol.